Hi kaninyo. Ako si Mimi. 22 years old. Lumulupyo sa sud sa dughan, kanang naa bitaw dapit sa taas sa tiyan. Kanang--lisura bya explain asa ko dapit nagpuyo oi...hay pasensya jud ha, dili man gud ko maayo ug directions. Liwat man gud ko sa akong tag-iya.
Kaila na mo sa akong tag-iya? Kana siya ba, pataka lang gyud na siya usahay mosuwat. Mao bitaw ako siya giingnan na sa karong panahuna, ako nasad iyang pastoryaan. Sige lang siya starring dah. Sige lang siya sikat. Pastoryaa ko kay daghan jud kog angay iyawyaw. Daghan kay kog reklamo ug hinanakit na angay gyud nako ipagawas kay kung dili...susmaryahosep...ambot nalang. Mobuto tingali ko--ug simbako nalang kay dili ko ganahan mailisan!
Ayaw bitaw mo'g saba sa akong tag-iya ha...mostorya lang jud ko. Pagawas lang sa gibati ba. Usahay maglagot na bitaw ko ana niya. Pataka lang jud pirmi! Kasabot mo? Wala? Hay, in-ani ni siya.
Sos sayanga wa koy digicam dinhi. Magpakita sad unta ko sa akong mga picture pareho sa buhaton sa akong tag-iya kung magblog na siya. In-ani ni siya ha... Kana siya, nangabusar naman gud nako. Di niya gamiton akong partner na si Lando ba. Si Lando gud! Didto nagpuyo sa taas, sa sulod sa ulo.
Sige lang ako. Pirmi lang ako, ako, ako. Abuso na bitaw! Sa sige niya'g gamit nako, tan-awa di nako flawless! Daghaaaan na kaayo kog bun-og! Puno na kaayo kog band-aid, sus luod kay tan-awon friend. Daghan na gani kog trabaho dinhi, pun-an pagyud niya.
Ngano di man gud niya gamiton si Lando oi. Makibaw jud ko anah niya kung maunsa na siya kay naaaah, maapektuhan man sad ko. Naa toy usa ka panahon nga naa siya'y naila2 ba. Kaila kag iya jud ko gi pa jumping jack ug 1 million times??? Pagkahuman kay gipatambling2 pajud ko! Kung kita pa mo lagi nako makaingon jud mog "Luoya aning Mimi oi..." Lagi friend, luoy kaayo ko ato. Pero nalipay pud ko ato kadali kay sukad nailhan anah niya katong tawhana, mura bitaw kog nigwapa. Kasabot mo ana na feeling? Unsa gani na na term oi--kanang...b...blooow--blue--ah blooming (salamat Lando!). Blooming ba! Kibaw man ka ana na feeling, friend diba? So lipay kaayo ko. Bahala nag gipajumping jack ko niya ug ka 1million pero kay, nigwapa man sad ko.
Sus karon kay, naginamaw naman siya. Nahibaw-an ni Lando nga mura bitaw siya'g gibinuangan atong tawhana. Pwerteng pugong ni Lando niya pero sus dili gyud motuo. Ako gyud iyang gamiton--nya di baya ko maayo ug advise! Karon, kay klaro naman jud kaayo na wa naman siya gitarong kay naa naman gyud siya'y nahibaw-an...Wa ko kasabot friend oi! Nag ambak2 jud ko ug 65 million times! Kana bitaw murag kagawson nako sa akong balay pero dili pwede pero namugos jud ko mugawas kay huot na bitaw ang feeling. Lain na ba.
Ay gihilantan ko oi! Ganahan na gani ko pahospital ato pero murag OA ra sad ba. Pero di pud ka kaingon. Dugay kay ko naayo ato! Lagi friend! Cross myself, hope to die pa.
Dugay sad jud to. Murag kada adlaw nalang ko luya. Kada adlaw bug-at kaayo akong feeling. Kung wa ko nagluya, naghuot sad kay nihilak nasad ako tag-iya.Ay sus kung muhilak sad na akong tag-iya oi kay nah--murag way ugma! Murag tanang taw sa kalibutan namatay na ug siya nalang nabilin sa world. OH-VERRR. (rolls eyes*or atleast tries to roll a vein--whatever)
Di gyud ko ganahan anang mohilak siya kay mura kog ma claustrophobic! (nakat-unan jud na nako ni Lando, kana na word ba..hehe)
Maayo nalang gyud ug niabot ang panahon nga na ok na gyud intawn siya ug nakapahuay najud ko ug tarong. Unya kay wala pa gani pila ka buwan--tua napud siya! Sugod nasad akong physically draining excercise of jumping, contracting and palpitating!
Hay..usahay makaingon gud ko sa akong self nga...in-ana jud ang life. Kaanad nalang. Maglagot ko niya jud pero siya man akong tag-iya so mag-antos nalang ko niya.
Pero bitaw pinangga man sad nako siya...kada gamiton sad na niya si Lando ug makarealize sad siya sa iyang sala kay musorry man sad siya nako so ma-ok rapud ming duha.
Lipay bya ko ron kay niingon siya na hatagan ko niya ug bakasyon! Excited kaayo ko. Kani maynta dugay2 jud ko makapahuay. Sakto rasad para ug maabot na gani ang panahon na paambak ambakon nasad ko niya, makaingon najud ko na ready ko kay nakapahuay naman kog tarong.
Ay nakunsensya na nuon ko na gilibak nako siya'g maayo ninyo. Ayaw nalang gud saba ha. Ato lang ning secret ha. Sige, balik sa ko sa amo. Relax sa ko kay excited na kaayo ko magpahuay. Ay kabalaka, ug magkaunsa nasad na akong tag-iya, makadungog nasad mo balik nako. :)
Ayo-ayo bitaw ha! Kita kita lang nya ta. :)
And ofcourse...hehehe...
RCTV girls with Soren Fulton :)
